Бројот на нови случаи на заразени со коронавирусот во Италија вчера изнесуваше над 600, што е најголем дневен пораст во последните три месеци.
Туристите и лицата што се враќаат од одмор се сметаат за главни фактори во зголемувањето на бројот на случаи
Министерството за здравство регистрираше 629 нови случаи на коронавирус, со што се потврдени вкупно повеќе од 253.000 од почетокот на пандемијата.
Последен пат кога дневниот број беше поголем, изнесуваше 669 случаи на 23 мај. Пред само неколку недели, Италија имаше околу 200 нови случаи на ден.
Бројот на починати од COVID-19 во Италија е над 35.000 лица.
