Кога ви треба нешто за набрзина, да е вкусно и да содржи многу хранливи материи, тогаш одлучете се за ориз со зеленчук.
Велигденскиот пост започна, па никогаш нема доволно идеи за вкусни брзи јадења. Ако сакате да направите нешто брзо и со евтини состојки, тогаш оризот со зеленчук треба да биде ваш избор. Потребно е помалку од половина час за подготовка, а вкусот е фантастичен. Можете да додадете и повеќе состојки во ова јадење, по ваш вкус.
Потребни состојки:
- 150 гр брокула
- ½ кромид
- ½ жолта пиперка
- ½ црвен пиперка
- 250 гр ориз
- 2-3 лажици соја сос
- масло
- сол
- бибер
Подготовка:
Во зовриена вода ставете сол и една минута провријте ја брокулата што претходно сте ја исекле на парчиња. Потоа се исцедете ја, па додадете ја во тава во која сте сипале малку масло. Додадете сечкани пиперки и кромид, зачинете со бибер и пржете додека зеленчукот не омекне.
Исплакнете го оризот и ставете го во тенџере со зовриена вода. Половина чаша вода е доволна за една чаша ориз. Можете да користите и булјон. Промешајте (еднаш е доволно). Гответе 20 минути, поклопено, па тргнете го од шпорет и оставете уште 5 минути.
Потоа измешајте го зеленчукот и оризот, па прелијте со соја сос. Нема потреба дополнително да ставате сол бидејќи соја сосот е прилично солен. Добро измешајте и послужете.
