Династијата на Наполеон Бонапарта има долга историја, а неговите потомци во моментов се обидуваат да го вратат галскиот престол, за кој право полагаат и семејствата Орлеан и Бурбон.
Потомците на Наполеон се нарекуваат бонапартисти, а на чело стои принцот Жан-Кристоф. И тој, и неговите следбеници сè уште сонуваат за монархија.
Жан-Кристоф ја носи титулата Неговото царско височество принцот Наполеон, наследена од неговиот дедо принцот Луис Наполеон. Во моментот на смртта на неговиот дедо тој имал 11 години, а интересно е што титулата го „прескокнала“ неговиот татко Шарл Наполеон, а тоа се должи на несогласување со неговиот татко.
Несогласувањата започнале откако Шарл станал републиканец, но и поради тоа што се развел од Беатрис, со која покрај Жан-Кристоф ја добил и ќерката Каролин Мари, повторно се оженил без дозвола од таткото.
Жан-Кристоф е син на Шарл Наполеон и Беатрис Бурбонска - Две Сицилии, а исто така е и правнук на братот на кралот Бонапарта. Некогаш беше најпосакуваниот ерген на европската аристократија и ја имаше таа титула до неговата венчавка во 2019 година.
Наследникот на Бонапарта се ожени со грофицата Олимпија фон унд цу Арко-Зинеберг, со која минатата година доби син. Нивниот брак всушност има историска и политичка нота бидејќи грофицата е внука од шестата генерација на Марија Луиза од Австрија, втората сопруга на легендарниот Наполеон.
Жан-Кристоф живее во Лондон со своето семејство. Тој работи во инвестициски фонд и веројатно е единствениот во светот на бизнисот кој ја носи титулата Неговото царско височество Принцот од Наполеон.