Откако премиерот Борис Џонсон најави дека и во наредните шест месеци стадионите ќе останат прилично затворени, раководството на Премиер лигата испрати писмо до британската Влада барајќи на навивачите да им се дозволи враќање на стадионите во најскоро време.
Во Англија на последните натпревари видовме присуство на одреден број на гледачи, но тоа не значи дека и понатаму тоа ќе биде така. Се работеше за тест период во кој британските власти гледаа како би фукционирале натпреварите доколку на трибините има одреден број на гледачи. Сепак, коментарите на премиерот Борис Џонсон дека стадионите треба да останат затворени со цел да се спречи ширењето на коронавирусот ги загрижи исте фудбалски вљубеници кои гледаат различен третнам од, на пример, концертите, па реагираа и фудбалските власти.
Писмото е заедничко барање на ЕФЛ, ФА и женската ФА и во него се наведува дека неодманешните тест натпревари покажале дека навивачите можат безбедно да се вратат на стадионите во лимитиран број.
„Со тоа што ЕФЛ, Премиер лигата и женската Супер лига веќе успешно одржаа 11 тест натпревари, покажавме дека можеме безбедно да ги организираме натпреварите. Колку порано се врати публиката, толку порано ќе ги обединиме зеадниците и ќе ги поддржиме локалните вработени, егзистенции, бизниси, а воедно и државната економија“, се вели во писмото испратено до Владата на Обединетото Кралство.
„Ќе продолжиме да бараме од Владата да ни дозволи безбедно да ги вратиме навивачите на стадионите. Позитивно е тоа што поголемите уметнички и музички локации добија дозвола да одржуваат настани во затворен простор, со социјална дистанца. А сега, треба и на фудбалот да му се дозволи да го направи истото, со добро регулиран и со редари обезбеден надворешен простор“.
