Флорентино Перес оди во карантин откако излезе позитивен на тестот за коронавирусот, судбина која пред две недели ја искуси и тренерот Зидан.
Кралскиот клуб потврди дека 73-годишниот претседател е позитивен на COVID-19 и веднаш бил ставен во десетдневем карантин.
„Реал Мадрид информира дека нашиот претседател Флорентино Перес доби позитивен резултат на тестирањата за COVID-19 кои повремено ги прави, иако не пројавува никакви симптоми“, објави клубот на својата официјална веб-страница.
Перес ќе мора да седи 10 дена во карантин од кој за да излезе ќе треба да добие негативен резултат.
Тој е на чело на Реал од јуни 2009 година, што е негов втор мандат откако претходно го водеше клубот од 2000 до 2006 година. Уште првиот пат го направи познатиот Галактикос тим, а со носењето ѕвезди продолжи и во вториот мандат.
Претходно во карантин беше и тренерот на клубот, Зинедин Зидан, кој исто така беше позитивен. Истата судбина сезонава ја имаше и бекот Начо Фернандес.