Кардиоваскуларните заболувања се водечка причина за смртност, а еден од главните фактори на ризик е покачениот холестерол.
Докторката Катарина Лалиќ советува што треба да се направи за да се избегнат сериозни здравствени проблеми.
Кардиоваскуларните заболувања се водечка причина за смртност во светот и одземаат повеќе животи од која било форма на малигнитет заедно.
Еден од главните фактори на ризик за развој на овие болести е покаченото ниво на т.н лош холестерол и затоа докторката Катарина Лалиќ истакнува дека е многу важно да се развие свеста за превенција и третман.
Според неа, мажите треба да прават проверка барем еднаш до 35 години, а жените до 45. Тоа само доколку нема други фактори на ризик, како редовна контрола. Во превод, посочува, секој треба да знае колку холестерол имаме кога сме млади.
Лалиќ истакнува дека холестеролот не прави никакви проблеми, не боли и дека првата манифестација, за жал, завршува со инфаркт. Тоа се луѓе кои немаат поплаки, но имаат цела низа фактори на ризик. Затоа терапијата треба да ја земате по препорака на лекар и без исклучоци.
На прашањето каков начин на живот се препорачува за да се избегне покачен холестерол, таа советува:
„Важни се две работи – имате група пациенти кои немаат висок холестерол поради исхраната, туку затоа што имаат генетски дефект, односно проблемот е наследен. Тоа се луѓе кои треба да примаат лекови, исхраната нема да направи ништо.
Втората група треба да се грижи за исхраната. Холестеролот се наоѓа во сите намирници од животинско потекло. Мрсна храна, во комбинација со мајонез, големо количество јајца и месо - тоа се работи кои содржат многу холестерол. Треба да се префрлите на исхрана со повеќе цели зрна, зеленчук богат со влакна, посно месо, без похувана храна“.
