Генерално, перењето облека е едноставен процес, но секогаш постои можност да направите грешка и да ја уништите облеката.
Работите на кои треба да внимавате се:
Костими за капење
Иако костимите за капење се дизајнирани да траат во вода, никогаш не ставајте ги во машината за перење. Миењето со машина може да ги оштети ремените и поставата на костимите. Секогаш перете ги на рака.
Патики и облека од кожа
Некои делови од кожените патики се залепени заедно, а водата и топлината може значително да ги оштетат. Ако имате патики од платно, можете слободно да ги исперете на овој начин. Машината ќе искине или набори кожна облека.
Облека изработена од волна, кашмир или кадифе
Секогаш читајте детално што е напишано на етикетата. Ретки волнени, памучни или синтетички парчиња облека може да се перат во машина. Останатите треба да се третираат нежно, односно да се перат на рака.
Градници
Градниците секогаш перете ги на рака и со благ детергент или бебешки шампон. Ставете ги во ладна вода, почекајте 20 минути и исплакнете.
Вратоврски
Вратоврските најчесто се направени од свила, а нивната структура може да се деформира кога се перат во машина.
Перници и душеци од цврста пена
Центрифугата ќе ги уништи перниците, душеците изработени од цврста пена и слични работи. Наместо тоа, наполнете ја кадата со топла вода, ставете детергент и исперете ги рачно.
Ткаенини извалкани со запаливи течности
Ако ткаенината е валкана со моторно масло, бензин, масло за јадење, разредувач или алкохол, прво измијте ја в када и дури потоа ставете ја во машина. Ако дамката е не излегува, користете отстранувач на дамки.
