Ралф Шумахер оваа недела даде интервју за германскиот магазин Bunde во кое, меѓу другото, зборуваше и за својот брат Михаел и за односот со семејството.
Од неговата страшна несреќа во декември 2013 година на француските Алпи, малку се знаеше за здравјето на Михаел Шумахер.
Семејството на седумкратниот шампион во Формула 1 се труди максимално да ја заштити неговата приватност, па ни Ралф Шумахер не сакаше премногу да зборува за тоа.
Сепак, тоа не го спречи да му изрази целосна поддршка на семејството на неговиот брат.
„За жал, животот понекогаш не е фер. Мора да го прифатите тоа. Кога ќе ги видам неговите деца Џина-Марија и Мик, срцето ми се насмевнува. Ако некој од семејството ме праша за совет, јас сум тука. Тие одат по својот пат“, изјави Ралф Шумахер.
Самиот Ралф, пак, нашол среќа и мир на својот имот во Словенија на италијанската граница.
„Словенија е совршена за мене. Доаѓам овде да се релаксирам. Луѓето овде се исклучително топли и гостопримливи, а навечер седиме заедно со вино и добра храна. За мене тоа е совршен начин да забавам: возам трактори овде наместо брзи автомобили“, рече Ралф.