Сагата околу Килјан Мбапе и неговата одлука за клубот во кој ќе настапува следната сезона сѐ уште не е завршена.
ПСЖ се надева дека ќе ја задржи својата најголема ѕвезда нудејќи голем договор, но големата желба на Мбапе е да се пресели во Реал Мадрид.
Мбапе моментално заработува 70 милиони евра годишно во ПСЖ, а Реал нема намера да му даде толку пари.
Челниците на Реал се подготвени на Мбапе да му дадат „само“ 15 милиони евра годишно, а за да го освојат се спремни да му дадат 60 милиони евра за неговиот потпис, како и привилегија која никој од нивните играчи ја нема.
Познато е дека Кралскиот клуб ги задржува сите права за користење на ликот, но ќе направи исклучок во случајот на Мбапе.
Имено, Реал е подготвен на Мбапе да му даде дури 60% од правата за користење на ликот, што значи заработка во вид на десетици милиони евра годишно.
Како што пренесуваат шпанските медиуми, Мбапе ветил дека до крајот на февруари ќе даде конечен одговор дали од 1 јули ќе стане нов играч на клубот од „Сантјаго Бернабеу“.