Романот „Анатомија на бумбарот“ на гевгелискиот автор Стефан Марковски неделава е најпродаван на најголемата е-платформа за продажба на книги Amazon во категоријата Источноевропска литература.
Романот е објавен само на англиски јазик под насловот „The Bumblebee Anatomy“ и за него авторот вели дека е провокативен со машки и женски наратор кои паралелно ги раскажуваат своите приказни. Книгата писателот ја издал под својот псевдоним Стемаркус.
Засега романот не е објавен на македонски јазик, а дали ќе биде, зависи од одлуката на Министерството за култура каде авторот конкурирал на годишниот конкурс за проекти од областа на литературата и издаваштвото.
