Кристијано Роналдо и неговата девојка Хеорхина Родригез може да се најдат во неволја откако наводно ги прекршиле здравствените протоколи за коронавирусот.
Ѕвездата на Јувентус ја одведе Хеорхина на роденденска прослава во друг регион на Италија, каде отседнаа во официјално затворен хотел, со оглед на тоа што патувањата меѓу градовите во Италија се забранети поради пандемијата.
Португалецот се соочува со потенцијална парична казна откако објави фотографија на која се гледа во друштво на девојката во луксузниот ски-центар Вал де Коста. Според пишувањата на италијанските медиуми, парот сега е наводно под полициска истрага.
Хеорхина пред два дена наполни 27 години, а роденденот го прослави во хотелот Le Massif. Таа сподели видео од романтичното патување на социјалните мрежи, па го избриша, но предоцна. Тоа стана вирално.
Италијанската полиција го посети хотелот во текот на денот и заклучи дека е затворен, но истрагата продолжува.
