Кристијано Роналдо сака да го напушти Манчестер Јунајтед.
Интерес за него покажаа Челси, Баерн, Рома, Наполи, се споменуваше и Барселона, но ниту еден од тие клубови не може да му понуди неверојатен договор како тој што му беше понуден во Саудиска Арабија. Доколку прифати, ќе заработи цело богатство и ќе стане најскапиот трансфер во историјата на фудбалот.
Веста која се појави во португалските медиуми ја потврди и шпански As, но не се открива за кој клуб станува збор. Сепак, бројките што се нудат се познати. Целата приказна е вредна 300 милиони евра, од кои 30 би му биле исплатени на Манчестер Јунајтед за трансферот, 20 на посредници во него, а на самиот Роналдо би му биле понудени 250 милиони евра за двегодишен договор.
Најскапиот трансфер некогаш платен останува преселбата на Нејмар од Барселона во Пари Сен Жермен во 2017 година. Вредноста на тој договоро беше 222 милиони евра. Роналдо има шанса да ја сруши таа бројка, но се чини поверојатно дека ќе остане во европскиот фудбал и следната сезона, пишува As.
Има заинтересирани, а се надева на нов обид за освојување на Лигата на шампионите и титула во некоја од силните европски лиги. Тој во февруари следната година ќе го прослави и 38-от роденден, а неодамна вети дека ќе се врати во Спортинг каде ја започна кариерата.
„Ќе ја завршам кариерата во Спортинг, морам да му се оддолжам со играње барем една сезона. Тој клуб ме скаутираше додека никој друг ништо не гледаше во мене, ме направи играч и без него веројатно ќе работев во McDonald's“, изјави Роналдо.
