По долга пауза, фудбалскиот свет повторно беше сведок на средба меѓу Лео Меси и Кристијано Роналдо во текот на натпревар во Лигата на шампиони.
Португалецот ги искористи тешките моменти во кои се наоѓа Барселона и со два погодока го реши прашањето за победник на мечот во Шпанија.
Убедливата победа беше доволна за преземање на првото место во групата, но тоа не беше главната тема. Многумина, како и во претходните години, сакаа да зборуваат за ривалството меѓу Меси и Роналдо.
Фудбалерот на Јувентус не беше премногу заинтересиран за тоа. Односно, зборуваше за тоа како меѓу нив да нема проблеми, избегнувајќи секаква сензација.
„Отсекогаш сум имал многу срдечен однос со него. Ние 12, 13 или 14 години сме дел од сцената кога се доделуваат награди. Никогаш не сум го гледал како ривал. Тој се обидува да го направи најдоброто за неговиот тим, јас истото го правам за мојот. Знаете дека во фудбалот, за медиумите, за да се направи шоу, секогаш се прави ривалство. Ние отсекогаш добро сме се сложувале“, изјави Роналдо по победата во Барселона.
Со гостувањето во Барселона, Јувентус го презеде првото место во групата.
