Славниот фудбалер Кристијано Роналдо се појави во документарецот „Parallel World“ каде беше спореден со рускиот боксер Генадиј Головкин.
„Кога бев во Манчестер Јунајтер, со тренерот вежбав бокс. Мислам дека боксот може да биде корисен за фудбалерите бидејќи го изострува слухот, а учите и како подобро да се движите. Боксот е потежок спорт бидејќи сте сами кога се натпреварувате, мислам дека не би можел да бидам боксер бидејќи е тоа тешко. Играњето фудбал е мојата страст, но гледам и други спортови. Ако треба да бирам меѓу фудбалски натпревар и бокс или УФЦ борба на телевизија, ја бирам втората опција“, изјави Роналдо.
Триесет и тригодишниот фудбалер вели дека тајната во неговата долговечност се крие „во главата“ и дека неговата мотивација не застанува.
„На 33 години почнувате да мислите дека одите надолу, но јас сакам да продолжам да играм и понатаму фудбал. Луѓето ќе помислат дека сум неверојатен играч, но спор. Не сакам тоа да се случи, може да се грижите за вашето тело и тоа не е проблем, сè зависи од вашата глава, мотивацијата и искуството. Федерер има 39 години и сè уште е во врвна форма“, смета Роналдо.
