Кристијано Роналдо ја заврши 2023 година како најдобар стрелец во светот.
Роналдо ја достигна бројката од 53 гола, а помалку од него постигнаа Килјан Мбапе и Хари Кејн.
На доделувањето на Глоуб Сокер наградите, Португалецот со една изјава предизвика бура во европсјата јавност.
„Среќен сум во Ал Наср, тој трансфер беше одличен потег за мене. Саудиската лига е во процес кој ќе биде долг, но чекор по чекор ќе го достигне врвното ниво. Мислам дека ќе биде една од топ 3 лиги во светот“, рече Роналдо и додаде:
„Саудиската лига не е послаба од француската Лиг 1. Саудиската лига е поконкурентна од француската, тоа можам да го кажам откако поминав една година овде. Оваа лига е веќе подобра од француската, а само што почна да расте“.
