Египетскиот напаѓач предупредува дека периодот во кој ист тим доминира може да предизвика негативни ефекти кај играчите по што би следел пад.
„Кога победувате, кога ќе ја освоите Лигата на шампионите, Премиер лигата, кога ќе освоите било што, тоа ви уништува дел од желбата за победување“, вели Мохамед Салах за BBC.
Досега историјата покажала дека кога еден тим подолго време освојува трофеи, играчите се заситуваат и често знае да дојде до пад. Сепак, иако Ливерпул изминатите година и пол ги освои најголемите трофеи, сепак тоа гостори само еднаш.
„Решението е во промена на менталитетот. Мора да ги пронајдете оние точки во вашата глава кои ви даваат мотив за да продолжите во ист стил и да имате желба да победувате и наредната сезона“, смета Египќанецот.
Ливерпул сезонава веќе потфрли во Лигата на шампионите која ја освои лани. Во бледа игра, воопшто непрепознатлива за тимот на Јирген Клоп, „Црвените“ се соочија со елиминација уште во осминафиналето од мадридски Атлетико.
„Не знам зошто не би можеле по втор или трет пат да ја освоиме Премиер лигата. Тоа е само во нашите глави. Мислам дека дколку ја храниме желбата и се бориме за сѐ она што го имаме освоено, ќе успееме и наредната сезона“.
