Бројот 10 ќе биде повлечен од бразилскиот клуб Сантос, каде се прослави легендарниот Пеле.
Пеле неодамна почина на 83-годишна возраст, а неговите ќерки испратија барање до челниците на Сантос да го повлечат бројот кој нивниот татко со години го носеше во дресот на тој клуб.
„Tоа ќе му гo предложиме на Управниот одбор. За такво нешто постои процедура, потребно е да се состанат членовите на Одборот и тоа да го одобрат. Во меѓувреме, со административен акт во текот на идниот месец привремено ќе го укинеме користењето на бројот 10, надевајќи се дека нашиот oдбор ќе ја претвори таа одлука во трајно решение“, изјави претседателот на Сантос, Андре Руеда.
Дресот со број 10 во моментов во Сантос го носи венецуелскиот напаѓач Јеферсон Сотелдо, кој од Пеле се збогува со објава на социјалните мрежи.
„Носењето на твојот дрес и грижата за него со љубов и почитување е мојата мисија. Ти нè напушти, но твоето наследство и спомените остануваат. Ти благодарам на сè, кралу Пеле“.
Пеле почина во четвртокот на 82-годишна возраст.
Играше за Сантос од 1956 до 1974 година и постигна 643 гола на 659 натпревари.
