Иако сме навикнати социјалните мрежи да го копираат TikTok, сега оваа платформа почна да го копира Instagram.
Станува збор за нов режим наречен Photo Mode, кој им овозможува на корисниците на TikTok да споделуваат повеќе фотографии во една објава, а исто така зголемен е и бројот на знаци за описот - на 2.200.
Новите објави со фотографии, кои може да вклучуваат музика, ќе се појават на страницата For You Page покрај клиповите. TikTok рече дека се надеваат дека Photo Mode во комбинација со зголемениот број на знаци, ќе им овозможи на креаторите „да се изразат и подлабоко да се поврзат со другите“.
Но, Photo Mode, исто така, ја прави For You Page послична на Instagram на начин што не е баш креативен. Креаторите веќе ја користат оваа функција за споделување „рециклирани“ текстуални мемиња и други содржини кои често се популарни токму на Instagram.
Фактот дека TikTok сега ја копира оригиналната функција на Instagram е особено интересен бидејќи Instagram се мачи со engagement во случајот со својот TikTok клон, а тоа е Reels. The Wall Street Journal неодамна објави дека TikTok е далеку пред Instagram Reels во дневната гледаност.
