Серија земјотреси за краток период ја погодија Србија. Во 5 и 15 часот е регистриран потрес во околината на Крагуевац со јачина од 2 степена според Рихтеровата скала.
Првиот земјотрес беше регистриран 25 минути после полноќ на неколку километри од Крагуевац. Земјотресот бил со јачина од 4,1 според Рихтер.
Европско-медитеранскиот сеизмолошки центар регистрираше земјотрес со јачина од 4,4 степени по Рихтер во овој град. Земјотресот се почувствувал и во Краљево и Белград.
Во саботата, неколку минути пред полноќ земјотрес со јачина од 3,9 степени го погоди Младеновац.
За среќа не е забележана поголема материјална штета, но сеизмолозите предупредуваат дека ова ќе се промени во наредните неколку години.
„Ако во последните 20 години немаше земјотреси, а во последните неколку денови имаше низа земјотреси, тогаш може да се заклучи дека во наредните 10 години ќе има силни земјотреси какви што немало во минатото“, вели сеизмологот Славица Радовановиќ.
Таа предупреди дека треба да има надзор на објектите, треба да се направат анализи за да се зголеми безбедноста и да се заштитат при силни земјотреси за да се избегне катастрофа.