Во воведниот натпревар од 12. коло во најдобрата македонска фидбалска лига лидерот Шкупи ја прегази солидната Брегалница и ја потврди главната фавористак улога за титулата.
Штипјани на „Чаир“ допатуваа во добра форма, со три победи во низа и 4. место на табелата. Но, лидерот уште по осум минути игра најави дека бодовите ќе останат во Скопје откако Мареј Цветаноски го отвори резултатот.
По точно половина час игра репрезентативниот брек ана Руанда, Абдул Руатунјаје го дуплираше водството, а десет минути подоцна Нигериецот Сандеј Адетунџи се погрижи на пауза да се замине со убедливи 3:0.
Во вториот дел штипските „Сини“ не се оправија и му дозволија на домаќинот да им ја дополни мрежата. Згора ма тоа промаши и пенал во 52. минута кога Кристијан Наумовски го одбрани ударот на Марјан Алтипармаковски.
Казни Цветаноски со својот втор гол во 61. минута зголемувајќи на 4:0, а три минути подоцна Костариканецот Фреди Алварес ги постави конечните 5:0 и тоа со прекрасен удар од далечина.
Сега Шкупи има 29 бодови, а дали ќе ја зголеми предноста пред конкурентите, која моментално изнесува осум бодови, останува да видиме утре кога се играат останатите пет натпревари од ова коло кое е поместено поради вториот круг локални избори в недела. Брегалница останува на 19 бодови и ризикува да го загуби 4. место.
Двојки за сабота од 14 часот:
Борец - Работнички
Скопје - Ренова (пренос на МРТ3)
Струга - Академија Пандев
Пелистер - Македонија ЃП
Шкендија - Тиквеш