Хрватска и Шпанија во Копенхаген го играат осминафиналето на Европското првенство.
Натпреварот се игра во Данска на стадионот Паркен во Копенхаген, а го суди турскиот судија Џунејт Чакир од Турција.
Хрватска поведе со 1:0 по комичниот автогол на голманот Унаи Симон. Педри му ја врати топката на Симон, кој направи непровоцирана грешка, а топката само се истркала во мрежата.
На ЕУРО 2020 веќе е поставен е рекорд по постигнати автоголови. Сопствената мрежа на 16. Европско првенство досега ја погодија фудбалери на Португалија и Германија како и голманот на полската репрезентација Војчех Шчесни на средбата со Словачка (1:2) и дефанзивецот на турската репрезентација Мерих Демирал во мечот со Италија (0:3).
Досегашниот рекорд изнесуваше три автогола поставен на ЕВРО 2016.
Победникот од дуелот Хрватска-Шпанија (1:1 на полувреме) во четвртфиналето ќе игра против подобриот од натпреварот помеѓу Франција и Швајцарија, кој се игра вечерва во 21 часот.