Во Шведска остануваат да важат епидемиолошките мерки, а во наредните месеци ќе се покаже дали ќе се зголеми бројот на позитивни случаи.
„Мерките ќе останат сè додека не се вакцинира поголемиот дел од возрасното население“, најави Агенцијата за јавно здравје.
Бројот на случаи на коронавирус во Шведкса порасна во последните недели и се очекува дека тој тренд ќе продлжи откако ќе бидат отворени училиштата, а луѓето ќе се вратат на работа, пренесува Reuters.
„Сите три сценарија укажуваат дека ќе се зголеми бројот на позитивни случаи eсенва“, се наведува во соопштението на Агенцијата за јавно здравје.
Во соопштението се додава дека на повеќе луѓе ќе им биде потребно болничко лекување, но во значително помал број отколку претходно во текот на пандемијата.
Иако во текот на летото имаше мал процент на заразени, властите во Шведска ги повикаа граѓаните да се однесуваат одговорно за да се спречи ширењето на делта сојот, особено во периодот кој следи.
Мерките се однесуваат на ограничувања на јавни настани, изолација на заразените луѓе и препорачуваат да се работи од дома.
„Кога ќе се постигне посакуваниот процент на вакцинација, Агенцијата за јавно здравје ќе ги укине рестриктивните мерки“, се наведува во соопштението.
Досега се вакцинирани 65% од возрасното население.
Читајте наредно: Дали Шведска цело време беше во право за пандемијата?
