Цените на нафтата на светските берзи пораснаа минатата недела и скокнаа околу 20 проценти во текот на целиот февруари, бидејќи инвеститорите се надеваат на забрзување на закрепнувањето на стопанствата од корона-кризата, а со тоа и побарувачката за „црното злато“.
Цената на барел нафта на лондонската берза минатата недела порасна за 4,8 проценти, на 64,42 долари, додека цената на барел на американската берза порасна 3,8 проценти, на 61,50 долари.
Во средината на неделата, цените на нафтата достигнаа нови највисоки нивоа во последните 13 месеци, бидејќи инвеститорите се надеваат дека со забрзувањето на процесот на вакцинација против COVID-19 ќе се забрза и закрепнувањето на стопанствата од корона-кризата, а со тоа ќе се забрза и побарувачката на нафта.
Поддршка за цените пружаа и податоците од американската влада, според кои производството на сирова нафта во САД паднало за повеќе од 10 проценти или милион барели на ден минатата недела, поради невообичаениот студен бран во Тексас.
Обработката е исто така намалена, на најниско ниво од септември 2008 година, бидејќи ниските температури предизвикаа прекини на електричната енергија.
Но, до крајот на неделата, цените на нафтата изгубија дел од добивката, меѓу другото, поради обновеното производство во Тексас.
Цените ги поттикна и посилниот долар бидејќи тоа значи дека нафтата станува сѐ поскапа за оние што ја купуваат во други валути.