Дресот што го носеше Мајкл Џордан за време на неговата последна сезона во Чикаго Булс беше продаден за рекордни 10,1 милиони долари.
Џордан го носеше дресот со број 23 во сезоната 1997/1998 година, кога со Булс ја освои последната, шеста титула во НБА.
Претходниот рекорд беше поставен на почетокот на оваа година, кога дресот на аргентинскиот фудбалски мајстор Диего Марадона во кој го постигна голот „Божја рака“ беше продаден за 9,3 милиони долари.
„Во неколку недели откако ја објавивме аукцијата, имаше возбуда не само од љубителите на спортот, туку и од колекционерите желни да поседуваат ретко парче историја“, рече Брам Вахтер, аукционер на Sotheby’s.
„Уште еднаш, денешниот рекорд го зацврстува Мајкл Џордан како неприкосновен G.O.A.T., докажувајќи дека неговото име и неспоредливото наследство се исто толку актуелни како и пред речиси 25 години.“
Се очекуваше дресот на Џордан да достигне цена од 3-5 милиони долари, но сумата ги надмина сите очекувања.
Во финалето на НБА во 1998 година, Чикаго Булс, предводени од Џордан, ја победија Јута Џез со 4-2 во серијата.