Српски фудбалер стана хит на социјалните мрежи поради симулација против Јуве

Порто го нокаутира Јувентус во драматичен натпревар во осминафиналето од Лигата на шампиони.

Португалците пристигнаа во Торино со предност од 2: 1, а по 90 минути Јувентус водеше со истиот резултат, па се играше продолжение. Двата тима постигнаа гол во дополнителните 30 минути, па Порто мина поради повеќе голови во гости.

По вториот гол, Порто се обидоа да украдат што повеќе време во продолженијата, а во тоа особено се истакна српскиот играч за врска Марко Грујиќ. Тој влезе во игра во 90-та минута, а кон крајот на судиското продолжение се проби по десната страна и доби фаул. Во тие моменти на Порто му одговараше Грујиќ да остане да лежи на тревата што е можно подолго, а тој се тркалаше скоро половина минута, а камерата го фати како го прави тоа со насмевка, ѕиркајќи низ прсти.

Снимката од симулацијата на Грујиќ стана хит на социјалните мрежи, најмногу бидејќи многу потсетува на симулацијата на Серхио Бускетс од Барселона во 2010 година против Интер, кога тој ѕирна низ дланките за да види дали Тијаго Мота од Интер ќе добие исклучување.