Таква желба имале синовите Асер и Ахмед кога пред натпреварот од Светското клупско првенство се слушнале на телефот со нивниот татко, а тој потоа си го одржа зборот.
Шампионот на Африка, египетскиот тим на Ал Ахли, вечерва игра во полуфиналето од Светското клупско првенство на ФИФА против баварскиот гигант Баерн. Важи за апсолутен аутсајдер, а за да стигне до тука требаше прво да мине преку домаќинот на турнирот, катарскиот Ал-Духаил.
По точно половина час игра офанзивниот играч Хусеин Ел Шахат постигна гол кој потоа го прослави копирајќи го начинот на прослава на Кристијано Роналдо. Тој гол се покажа и решавачки, гол кој на Ал Ахли му донесе натпревар со Баерн вечер во 19 часот со пренос на МРТ3.
Но, Ел Шахат потоа се соочи со обвинувања дека го копира Португалецот, па Египќанецот говорејќи за ФИФА ја откри причината за таквата прослава.
Пред таа пресметка Ел Шахат зборувал на телефон со своите два сина чија желба била причината за таквата прослава.
„Секогаш пред натпревар сакам да се слушнам со моите синови Асер и Ахмед, а сега на Асер и му го честитав роденденот. Го прашав дали очекува да постигнам гол, а тој одговори со 'да'. Ги прашав двајцата, ако дадам гол, како сакаат да го прославам. Тие ми рекоа: 'Сииииии, како Кристијано Роналдо'“, раскажува Ел Шахат. Токму тоа беше причината за таквата прослава“.
