„Дојди, Предложи, Изведи!“ - Програмата за уметнички резиденцијален престој е иновативен уметнички концепт, кој цели да реализира репертоар од свежи идеи на културната сцена во Скопје.
Театар Сенки и Облаци ќе овозможи располагање со сценски и галериски простор, како и техничка опрема, продукциска и логистичка поддршка и заедничка промоција на „ДОПРИ“ - Програмата за уметнички резиденцијален престој.
Целиот проект ќе се реализира во два повика:
# 1 Повик за проекти во насока на визуелни уметности (сликарство, фотографија, скулптура, филм, анимација, дизајн…)
# 2 Повик за проекти во насока на изведбени уметности (театар, танц, музика, пантомима, театар на импровизација, стенд ап…)
ЗА КОГО?
*Поединци но и група на млади лица до 35г.
* Уметници од областа на визуелната уметност (сликарство, фотографија, скулптура, филм, анимација, дизајн…).
* Луѓе од маргиналиризарни социјални групи.
* Мултидисциплинарни уметници кои практикуваат нови изрази.
КАДЕ?
„ДОПРИ“ - Програмата за уметнички резиденцијален престој ќе се реализира во рамките на театар „Сенки и Облаци“, Дебар Маало, Скопје. Театарот располага со простор чија досегашна намена е театарска сцена, изложбена галерија, мало кино за филмски проекции, простор за работилници, предавања, јавни дискусии и дебати, интервјуа, промоција на книги, фестивали, музички џем сесии и други видови на настани.
КОГА?
Проектот може да биде во било која фаза од развојот - од почетна идеја и замисла, па сѐ до реализација.
Истиот треба да цели процес во времетраење од 2 недели и да резултира со завршен настан од јавен карактер во месец јули, изведен во Театар „Сенки и облаци”.
Учесниците дополнително ќе бидат мотивирани преку обезбедување на симболични хонорари, како и можност за идна соработка, со цел долготрајни изведби на проектот на сцената во Театар „Сенки и Облаци“, што директно ќе влијае на одржливоста на „ДОПРИ“.
Повикот ќе биде отворен до 10 јуни 2023, а заинтересираните може да се пријават на ОВОЈ ЛИНК. За повеќе информации обратете се на телефонскиот број 070302572 или на e-mail адресата shadowsandclouds.theatre@gmail.com.
