Ноќеска се одигра најголемото дерби во НБА лигата помеѓу Лос Анџелес Лејкерс и Бостон Селтикс, а победникот беше одлучек дури во продолжението.
Публиката во „Крипто.ком“ арената (18.661 гледач) во Лос Анџелес имаше можност да види возбудлив дуел, а главни протагонисти беа Леброн Џејмс на едната и Џејсон Тејтум на другата страна.
Лејкерс имаа водство од 110:108 и беа на прагот на победата, но во послениот напад на гостите Тејтум се претвори во Коби Брајант и со серија дриблинзи поентираше преку Леброн, изборувајќи се за продолжение.
Во дополнителните минути поуспешни беа кошаркатите на Селтикс кои запишаа триумф од 122:118. Победата на Бостон доаѓа ден откако со 113:93 загубија од дригиот тим од Лос Анџелес, ЛА Клиперс.
Тејтум натпреварот го заврши со 44 поени, 9 скокови и 6 асистенции, додека Леброн уфрли 33 поени со 9 скокови и 9 асистенции. Дабл-дабл учинок оствари домашпниот кошаркар Ентони Дејвис со 37 поени и 12 скока.
Бостон има скор од 22-7, додека Лејкерс 11-16.
Резултати:
Филаделфија 76ерс - Сакраменто Кингс 123:103
Милвоки Бакс - Голден Стејт Вориорс 128:111
Хјустон Рокитс - Феникс Санс 111:97
Јута Џез - Њу Орлеанс Пеликанс 121:100
Лос Анџелес Лејкерс - Бостон Селтикс 118:122 прод.
Табела: