Ливерпул синоќа на „Енфилд“ без поголеми проблеми го совлада француски Тулуз со убедливи 5:1, а натпреварот го одбележа нереалното промашување на Дарвин Нуњес.
Уругвајскиот напаѓач беше поштено се избрука во 65. минута од натпреварот кога го промаши невозможното.
Тој го искористи одличното проигрување на Диогу Жота, по што во полн трк мајсторски го измами својот чувар и го заобиколи 18-годишниот голман Гијом Рестес. Остануваше само од само неколку метри да ја смести топката во празната мрежа, но...
Наместо да влезе в гол, топката ја погоди стативата, а за негова среќа во продолжението од нападот упорниот Рајан Гравенберх успеа да ја погоди мрежата на францускиот тим. Ситуација од која е потешко да се промаши отколку да се постигне гол, би рекол некој.
Веднаш по промашувањето Нуњес падна на земја во неверување и воопшто не виде дека одбиената топка негов соиграч ја смести в гол.
После тоа, Нуњес го напушти играта со овации од „Енфилд“, а Уругваецот на тој начин пропушти да постигне втор гол бидејќи веќе постигна еден во 34. минута.
До крајот на натпреварот Мохамед Салах успеа да се запише во листата на стрелците, а пред него тоа го направија споменатите Гравенберх, Жота и Ватару Ендо.
Дарвин Нуњес пристигна во Ливерпул летото минатата година и долго време ја бара вистинската форма. Реализацијата продолжува да го мачи, а во досегашниот дел од сезоната има постигнато 5 гола на 12 натпревари во сите натпреварувања.