Токму со неговиот гол Бока Жуниорс славеше на гости кај бразилски Интернасиунал во Копа Либертадорес, гол кој Тевес му го посвети на својот идол.
Во својот прв натпревар по смртта на великанот Диего Марадона, Карлос Тевес се израдува на гол кој му го посвети токму на најголемиот Аргентинец.
Бока Жуниорс гостуваше кај Интернасиунал во Порто Алегле во првиот натпревар од осминафиналето во Копа Либертадорес.
Се играше 63. минута кога по асистенција од Едуардо Салвио поранешниот ас ја затресе домашната мрежа откако убаво се снајде во бразилскиот шестнаесетник.
Откако го даде голот Тевес го соблече дресот за да покаже друг дрес, исто од Бока, но од времето на Марадона.
„Му оддадов почит со дресот кој тој ми го подари, а го носел во 1981 година. Многу сум среќен што можев да му го подарам ова, сигурен сум дека одгоре ме гледа. Навистина многу сум задоволен поради тоа“, рече Тевес по натпреварот.
Тевес, кој е и капитен на Бока, на лентата исто така имаше посвета за Мардаона, а и ја баква при прославата.
Со ова апобеда Бока има голема предност пред реваншот на домашен терен за една недела. Победникот од овој двомеч во четврфиналето ќе игра против аргентински. Расинг.
