Дури 5 од топ десетте градови во светот со најмногу милионери се наоѓаат во Соединетите Американски Држави.
Најголемиот број на милионери живеат во САД, открива најновото истражување спроведено од страна на Henley Global Citizens Report.
Пет од топ десетте градови со најголем број на милионери во светот се наоѓаат во САД, а тоа се Њујорк, Сан Франциско, Лос Анџелес, Чикаго и Хјустон.
Њујорк води на листата со дури 345.600 поединци чие богатство се проценува на над 1 милион долари или повеќе. Од овој неверојатен број над 15 илјади поединци поседуваат неколку десетици милиони, 737 луѓе имаат над 100 милиони долари, а 59 индивидуи се милијардери.
На второ место на листата на градови со најголем број на милионери се наоѓа Токио со 304.900 милионери, а следува Сан Франциско каде живеат 276.400 милионери.
Во топ 10 градови со најголем број на милионери се наоѓа и главниот град на Обединетото Кралство, Лондон, кој е и единствен од Европа. Потоа следуваат Сингапур, како и два кинески града, Пекинг и Шангај.
Топ 10 градови со најмногу милионери:
- Њујорк (САД) - 345.600 милионери
- Токио (Јапонија) - 304.900 милионери
- Сан Франциско (САД) - 276.400 милионери
- Лондон (Обединето Кралство) - 272.400 милионери
- Сингапур (Сингапур) - 249.800 милионери
- Лос Анџелес (САД) - 192.400 милионери
- Чикаго (САД) - 160.100 милионери
- Хјустон (САД) - 132.600 милионери
- Пекинг (Кина) - 131.500 милионери
- Шангај (Кина) - 130.300 милионери