Топ 10 играчи од Серија А со најголеми плати

На листата на 10-те најплатени играчи по сезона во Калчото има само фудбалери од два тима, а убедливо највисоки плати дава клубот кој моментално го тресе финансиски скандал.

Јувентус и Интер го држат врвот на табелата на најплатените играчи во Серија А. „Старата дама“ е неприкосновена во топ 3 бидејќи очигледно ги преплаќа своите играчи, додека во топ 10 конкуренција со платите ѝ е само Интер. Сѐ на сѐ, во десетте најплатени Јуве учествува во 6 играчи, додека Интер со 4. Останатите како Милан, Рома, Лацио и очигледно новиот шампион Наполи немаат ниту еден играч што зема плата колку овие десетмина.

Интересно, во топ 10 има само двајца Италијанци, а има и двајца Балканци и тројца Јужноамериканци.