За ручек ви предлагаме да направите батаци на тоскански начин, неверојатно сочно месо во ароматичен сос.
Италијанците се вистински уметници кога станува збор за правење храна. Совршено комбинираат различни намирници, а едно од најпознатите јадења им е тосканското пилешко. Ви пренесуваме уште еден рецепт за ова јадење од Тоскана, а ви препорачуваме да го направите со батаци. Тие се многу посочни од белото месо, а крчкањето во ароматичен сос само им дава посебен вкус. Можете да ги послужите со компири или салата.
Потребни состојки:
- 2 батака (без кожа и коски)
- малку брашно
- 1 лажица путер
- 1 лажичка оригано
- 1 лажичка мајчина душица
- 1 лажичка мелена пипер
- 3 чешниња лук
- 1 лажица доматна паста
- 1 лажица сенф
- 250 мл зеленчуков булјон
- 1-2 лажици сушени домати
- спанаќ
- 1 лимон
- 100 мл павлака за готвење
- малку свеж босилек
- пармезан
- сол
- бибер
Подготовка:
Ако не сте купиле исчистени батаци, тогаш тргнете ја кожата и отстранете ги коските. Зачинете со сол и бибер од двете страни, па посипете со брашно. Добро втријте го во месото.
Во тава загрејте малку маслиново масло и растопете го путерот. Потоа додадете ги батаците и пржете од двете страни додека не бидат готови. Извадете ги батаците од тавата.
Во тавата додадете оригано и мајчина душица (ако немате свежа, можете да користите и сушена). Потоа додадете мелена пипер, толчено лукче, доматна паста и сенф. Сè добро измешајте. Истурете го булјонот (коцката за супа измешајте ја со топла вода) и кога ќе почне да врие, вратете го месото.
Потоа во тавата додадете ги сечканите сушени домати, кора од лимон, павлака за готвење и измешајте. Се динста околу 10 минути, па се додава спанаќот и се промешува. Околу 5 минути пред крајот додадете рендан пармезан и свежи листови босилек.