Веројатно сте забележале дека мажите и жените различно комуницираат. Но, родовата поделба во комуникацијата е интересна за истражување, особено кога станува збор за љубовните односи.
Резултати од студија покажаа дека 89% од мажите го претпоставуваат најлошото кога нивната партнерка ќе им каже дека треба да разговараат, додека само 61% од жените ја имаат истата реакција на оваа реченица.
Оваа реченица може да имплицира многу повеќе отколку што изгледа. Во книгата „Act Like a Lady, Think Like a Man“ авторот Стив Харви објаснува зошто се чини дека мажите ги мразат овие зборови.
„За еден маж има малку зборови кои звучат толку заканувачки како овие три. Тој израз може да значи само две работи за мажите: или сме направиле нешто погрешно или, уште полошо, жената навистина само сака да разговара“.
Харви во основа истакнува дека мажите повеќе сакаат да „поправаат“ работи отколку да „зборуваат“ за нив.
„Ова не значи дека никогаш нема да водите разговор со вашиот маж кој ќе трае подолго од две минути. Разбираме дека понекогаш ќе треба да дадеме малку повеќе во однос на комуникацијата со нашите партнери, дека одвреме-навреме треба да се отвориме и да откриеме што се случува во нашите глави“, вели тој.
„Се разбира, би било многу подобро жените да престанат да започнуваат разговор со реченицата 'треба да разговараме'. Во моментот кога ќе го кажеш тоа, човекот оди во дефанзива, се препотува, а брзо ни летнуваат пред очи настаните од изминатата недела, обидувајќи се да откриеме во што згрешивме, кога сме го направиле тоа и како ќе го поправиме за да не бидеме повторно во неволја“.
Тој нуди решение за користење на друга фраза за да започне разговорот, како на пример: „Душо, види, сè е во ред, само сакам да разговараме за нешто“.
Значи, што може да се заклучи од сето ова? Обидете се да најдете нов начин да започнете разговор.
Интересно е што жените се поагресивни кога станува збор за решавање на проблемите во врската. Повеќе од половина од испитаниците (54 проценти) сакаат директно да се соочат со проблемот и веднаш да разговараат за него. Во меѓувреме, 44 отсто од мажите сакаат да го избегнат, пишува Your Tango.
Сепак, пред да ги осудиме мажите дека не сакаат да се занимаваат со проблеми, треба да се спомене дека 40 % од мажите признаваат дека губат контрола над емоциите за време на напорен разговор, па може да се каже дека мажите од тоа сакаат да ги поштедат своите партнерки кога не сакаат да разговараат.