Извршниот директор на фармацевтскиот гигант AstraZeneca вчера соопшти дека вакцината против коронавирус може да биде подготвена за употреба кон крајот на декември, а се чека одобрување.
„Регулаторите постојано работат со нашите податоци. Ако бидат брзи, кога ќе бидеме подготвени, можеме да започнеме со вакцинирање на луѓе во јануари, а можеби и кон крајот на декември“, рече Паскал Сорио, пренесе од шведскиот весник Dagens Nyheter.
Англиско-шведскиот производител на лекови, во соработка со британскиот универзитет во Оксфорд, развиваат вакцина против коронавирус и нивната работа е рангирана меѓу најперспективните во трката за лек против пандемијата со COVID-19.
„Можеби никогаш нема да заработиме пари (со таа вакцина), никој не знае колку често ќе мора да се вакцинираме“, рече Сориот, објаснувајќи: „Ако вакцината е многу ефикасна и ако ги штити луѓето многу години и болеста поминува, тогаш нема да има пазар.“
Сепак, многу експерти веруваат дека ќе биде потребна повторна вакцинација.
„Ако ова треба да се прави секоја година, тогаш би можеле да заработуваме од вакцината од 2022 година“, рече тој.
Вакцината влезе во третата фаза на тестирање во септември, но мораше привремено да се прекине поради здравствени проблеми на волонтер во Велика Британија, но подоцна работата беше обновена.
Европската Унија, Соединетите Американски Држави, Велика Британија, Јапонија и Бразил ги потпишаа првите договори со AstraZeneca, за испорака на вакцината доколку биде одобрена.
