Холанѓанецот во болидот на Ред Бул е победник на трката за Големата награда на Мајами, откако со одлично возење на почетокот на трката ги престигна двајцата возачи на Ферари и стигна до својот трет триумф сезонава.
Иако Ферари од стартно-целната рамнина стартуваше со двата болида во првиот ред, Верстапен уште на стартот го престигна Карлос Саинс, а потоа во 9-тиот круг успеа да го заобиколи Шарл Леклер и со мирно и безбедно возење дојде до заслужената победа.
Така, Ферари повторно остана без победа иако имаа одлични стартни позиции и се надеваа дека ќе слават, а Леклер и Саинс на крајот мораа да се задоволат со второто и третото место.
Во 41. круг Ландо Норис и Пјер Гасли имаа жесток судир, по што на патеката излезе безбедносно возило, но ниту тоа не му помогна на Леклер до крајот да го престигне Верстапен.
Во првите десет се најдоа уште Серхио Перес, Џорџ Расел, Луис Хамилтон, Валтери Ботас, Естебан Окон, Фернандо Алонсо и Алекс Албон.
Во генералниот поредок Леклер остана лидер, но Верстапен уште повеќе му се доближи и до крајот двајцата ќе водат голема борба за титулата.
