Додека пазарите се полни со свежо овошје и зеленчук, искористете го моментот и направете ја оваа феноменална салата. Полна е со витамини, а воедно е и хранлива. Можете да ја јадете со главното јадење или одделно. Исечкајте го зеленчукот, зачинете и салатата е готова. Бидејќи зелката е многу нискокалорична, но и исклучително здрава, се препорачува и при диети.
Потребни состојки:
- 300 гр зелка
- 1 морков
- 1 јаболко
- 1 лажица сок од лимон
- сол
- шеќер
- млад кромид
- 1 лажица маслиново масло
Подготовка:
Ситно исечкајте ја зелката и додадете сол и шеќер. Морковот изрендајте го, а јаболкото исечкајте го на ленти. Младиот кромид ситно исечкајте го. Измешајте сè. Додадете сок од лимон и маслиново масло.