Резултатите од нова студија во Швајцарија откри дека европска земја со најмногу милионери е Германија.
Богатството на Германците е проценето на околу 16.4 трилиони евра. Втора на листата е Франција со 12.6 трилиони евра. Велика Британија и Италија имаат по 10 трилиони евра.
Поединечното богатство се зголемило во овие земји во текот на 2020 година, првата година од пандемијата, и покрај падот на БДП-то.
Со студијата биле опфатени 16 земји од Европската Унија, како и Швајцарија. Додека БДП-то паднало за 6.4 проценти во 2020 година, поединечното богатство пораснало за 3.9 проценти.
Резултатите од студијата покажуваат дека Германија е земја со најмногу богаташи. Исто така, Германија е земја со најмногу милионери, околу 2.9 милиони. Потоа следат Велика Британија и Франција со 2.5 милиони милионери.
Ова покажува дека расте јазот меѓу богатите и сиромашните, а авторите на студијата предупредуваат дека овој тренд ќе продолжи.
Студијата покажа дека Швајцарија има најголем број милионери по глава на жител. Дури 14.1 проценти од Швајцарците се милионери.