Американската серија „Friends“ (позната кај нас и како „Пријатели“) имаше премиера на 22 септември 1994 година на NBC, по што постигна неверојатен успех низ целиот свет.
Серијата имаше премиера на малите екрани кон крајот на 1994 година, но за многу краток временски период стана голем хит дури и надвор од САД. Гледачите ги освои едноставниот хумор испреплетен со специјална нишка што врзува шест млади пријатели од Њујорк.
Од 1994 до 2004 година беа снимени вкупно 10 сезони на „Friends“, а поради огромната популарност што не опадна дури и години подоцна, креаторите на серијата во 2019 година одлучија да снимат повторно обединување на пријателите.
Епизодата именувана како „Friends: Reunion“, беше претставена на HBO платформата кон крајот на мај 2021 година, каде што уште во првите 24 часа ја видоа милиони луѓе од целиот свет.
Новата епизода трае нешто повеќе од еден час и ги собра сите шест актери од оригиналната екипа: Џенифер Анистон, Кортни Кокс, Лиса Кудроу, Мет Лебланк, Метју Пери и Дејвид Швимер.
Премиерата на новата епизода на „Friends“ потврди дека станува збор за безвременски хит кој не престанува да привлекува нова публика и покрај фактот што е снимен кон крајот на 90-тите во многу поинаква клима.
