Српскиот претседател Александар Вучиќ присуствуваше на самитот „Појас и пат“ во Пекинг и беше снимен како сам талка по ходниците.
Очекувано, набрзо стана предмет на потсмев на социјалните мрежи меѓу српските корисници.
„Оди во Пекинг на самит, секој нормален би разговарал со други лидери, само овој нашиот лута по ходниците“, „Ова сум јас на факултет додека чекам професорот да ми се јави“, „Се мавта како асоцијално зомби“, се дел од коментарите на X (Twitter).
Како што е веќе познато, Вучиќ често делува малку изгубено и отсутно од вакви настани.
На пример, минатата година се пофали дека бил во Прага на самитот на европската политичка заедница. Но, видео објавено на X покажа малку поинаква слика. На него се гледа како Вучиќ стои сам во салата каде што беа собрани сите европски државници.
Додека лидерите на Турција, Унгарија и Азербејџан разговараа меѓу себе, Вучиќ стоеше зад нив и пишуваше на мобилниот телефон.
