Казнети се 743 возачи во текот на вчерашниот ден во спроведената засилена акциска контрола на територијата на Република Северна Македонија за санкционирање на возила кои се движат со брзина поголема од дозволената.
Од нив 72 возила се движеле со брзина над 50 километри на час повеќе од дозволеното, а 25 возила се движеле со дури над 70 километри на час. Притоа, информираа денеска од МВР, 395 возила ја пречекориле брзината во населено место, а 348 надвор од населено место.
На територија на Град Скопје синоќа биле изречени вкупно 136 мерки, меѓу кои за возење повеќе од дозволената брзина 65 санкции, 16 мерки за прекршоци што ги прават возачите на мотоцикли, 14 санкции за возење без возачка дозвола.
Како што информираа од МВР, изречени се 7 мерки за нерегистрирани возила, 6 санкции за возење под дејство на алкохол, 5 мерки за возач почетник, 3 санкции за технички неисправни возила во јавниот превоз…
Засилените акциски контроли продолжуваат и во наредните денови.
