Сушењето облека во домот има недостатоци, а експерти за квалитет на воздухот ја објаснија опасноста од држење влажна облека во затворен простор.
Во зградите, мувлата обично се појавува поради недостиг на вентилација. Мувлата може да предизвика алергии, хронични настинки, иритации на кожата и може да ги влоши астмата и егземите.
Најдобар начин за борба против мувла во домот е борбата против влажните услови кои може да ги пронајдете во посебно проблематични подрачја како бањата, а сушењето облека во затворена нема да помогне на ситуацијата.
Експертот Џени Тарнер предупредува дека во текот на сушењето мокра облека во домот влагата од чистото перење испарува и се таложи на ѕидовите, што ги влошува постојните проблеми со влагата.
„За да го намалите ризикот од развој на мувла во текот на сушење облека во домот, секогаш држете ги прозорците отворени, за да вишокот влага излезе од воздухот. Со оглед на тоа што мувлата може да се наталожи на ѕидовите, друг начин тоа да се спречи е да користете одвлажнувач на воздух“, објасни таа.
Електричните одвлажнувачи исто така го вшмукуваат воздухот, го извлекуваат вишокот влага во сад за вода, а потоа повторно го испуштаат воздухот во атмосферата. Тарнер предлага отворање на прозорци и создавање проток на воздух низ домот, како и да ставите сол покрај прозорот.
„Уште еден евтин трик за одвлекување влага од ѕидовите и прозорците е поставување сад со сол на прозорската даска кога сушите облека, бидејќи тоа ќе помогне во апсорпцијата на вишокот влага во воздухот“, вели Тарнер.