Општеството може да им постави на жените разни ограничувања што потоа се одразуваат во нивниот сексуален живот, како на пример дека помалку уживаат во сексот или дека е речиси невозможно мажите орално да ги задоволат.
Оралниот секс е една од најинтимните работи меѓу двајца сексуални партнери, а сепак е чудно што многу жени иако со задоволство пружаат орален секс, често не сакаат да им биде „возвратена услугата“.
Има повеќе причини за оваа ситуација. Многу жени чекаат со месеци откако ќе почнат сексуална врска, пред да му дозволат на партнерот да се обиде орално да ги задоволи. Дури и оние во долгогодишни врски се колебаат: повеќето мислат дека нивната вагина мириса чудно, а голем дел сметаат дека не им се доволно отстранети срамните влакна.
Секс-колумнистката на Metro Ребека Рејд ги споделува приказните на нејзини читателки:
Џесика (24) од Лондон првпат доживеала оргазам со орален секс, а сепак за неа овој начин е одбивен. Таа вели дека со самата поза смета дека го оттурнува партнерот од себе.
„Сум имала лоши и добри искуства, ама сите ги мразам. Уживам во сексот и сакам да давам орален секс, ама не и да примам“.
27-годишната Оливија исто така не е којзнае каква обожавателка на примањето орален секс.
„За да уживам во сексот ми треба целосно да се препуштам и да се изгубам. Кога орално ме задоволува некој маж јас сум целосно присутна. Мислам на сѐ: како ми изгледа вагината, како мириса, какво е чувството, дали му е здосадено... не знам какви насоки да му дадам ако не се случува ништо и само чекам тој да се откаже прв“, вели таа.
„Мажите никогаш не го погодуваат клиторисот, а и ако го погодат, не се задржуваат доволно на него“.