Фудбалерот од средниот ред на Реал Мадрид, Гарет Бејл изрази зачуденост од критиките на навивачите на „Кралскиот клуб“.
„На секој натпревар сме под огромен притисок. Ако играте лошо, вие сте во центарот на вниманието. Кога играв лошо, целиот стадион, 80.000 ме исвирка. Непријатно е. Наидов на ова неколку пати. Кога се случи ова за прв пат, помислив 'Што се случува?!'. Тоа ја уништува вашата доверба. Јас не разбирам. Затоа што ако не успеете на теренот, навивачите треба да ве поддржат за да се издигнете и да им дадете радост. Тие го прават спротивното. Почнуваат да свиркаат, се чувствувате уште полошо и ја губите довербата. Почнувате да играте уште полошо и ова ги вознемирува уште повеќе“, истакна Бејл.
Не е тајна дека навивачите на Реал не се задоволни од она што Бејл го прикажува на теренот. Досега и неколку пати беше поврзувам со заминување во друг клуб, но сѐ уште нема ништо официјално.
„Ова не е само одлика на Реал Мадрид, се случува истото и во другите клубови, но Реал е најпознат по ваквите нешта. Се случува да не реализирам добра шанса. Тие почнуваат да свиркаат, а вие си мислите 'Довербата опадна по нереализираната шанса и сега ќе падне уште пониско'. И во следниот момент, противничкиот гол ви изгледа минијатурен, како да е дупка во голф“, рече велшкиот репрезентативец.
Не го свиркаа во финалето од Лигата на шампионите во 2018 кога со два гола му ја донесе титулата на Реал против Ливерпул.
