Пилешкото бело месо со кашкавал е вистински италијански специјалитет кој брзо се подготвува и има рајски вкус.
Пилешкото бело месо со моцарела брзо ќе биде готово, што е одлична опција доколку имате гости. Станува збор за италијански специјалитет - капрезе верзија на пилешко бело месо. Моцарелата е клучна состојка, заедно со чери доматите.
Потребни состојки:
- 4 парчиња пилешко бело месо
- 1 лажица мслиново масло
- 1 лажичка сол
- 125 гр исечкани чери домати
- 30 мл балсамико оцет
- 2 чешниња лук
- 4 топчиња моцарела
- 30 гр листови свеж босилок
- бибер
Подготовка:
За пилешко бело месо со моцарела, загрејте ја рерната на 200°C. Загрејте го маслото во тава на средна топлина. Зачинете ги пилешките гради со половина лажичка сол и бибер по вкус. Ставете го пилешкото во тавата. Пржете 2 до 3 минути од секоја страна, или додека не порумени.
Во меѓувреме, прелијте ги чери доматите со оцет, толчен лук и преостанатата сол. Сето тоа истурете го во тавата врз пилешкото бело месо, па префрлете ја тавата во рерна. Печете 15 минути, или додека не се потпече пилешкото.
Над секое парче пилешко ставете парче моцарела. Печете уште 10 минути, или додека моцарелата не се растопи. Пред сервирање, одозгора посипете босилок.