Француските медиуми утринава ја почнаа новата седмица со сочна шпекулација дека голманот Џиџи Донарума на лето ќе се врати во Милан.
Инвестоциски фонд од Бахреин моментално води преговори за купување на миланскиот гигант, а доколку успеат во намерата тоа ќе значи и значителна сума на пари со кои „Росонерите“ ќе располагаат на лето за трансфери.
Како што пишува реномираниот франциски спортски дневен весник L’Equipe, влегувањето на Бахреинците во Милан ќе резултира со обид за враќање на голманот Џанлуиџи Донарума, кому сезонава не му оди во ПСЖ.
Донарума летоска дојде во Пари Сен-Жермен откако му заврши договорот со Милан, но прво беше резерва на ветеранот Кејлор Навас, а потоа кога конечно доби шанса нанижа неколку грешки вклучувајќи ја и онаа големата против Реал Мадрид во елиминацијата на ПСЖ во осминафиналето од Лигата на шампионите.
Парите за Бахреинците не би биле проблем при враќањето на Донарума, но постои друга пречка, а таа има име и преизме: Мајк Мењан. Црномурниот франциски голман дојде во Милан од Лил како замена токму за Донарума и сезонава ги освои симпатиите на навивачите благодарение на неколкуте бравурозни одбрани. А, токму истите навивачи се разочарани од начинот на кој Донарума си замина, па оттаму новите сопственици ќе треба добро да размислат пред да направат било каков потег.
