Сите сакаат бело месо, па овој рецепт е полн погодок. Се подготвува брзо и лесно.
Белото месо можете да го подготвите на милион начини бидејќи одлично се вклопува со зачини, преливи... Единствено треба да внимавате на тоа да не го препечете или преварите, бидејќи во тој случај ќе биде суво. Готово е за поомалку од половина час, а препорачуваме да го комбинирате со салата по избор или ориз.
Потребни состојки:
- 300 гр пилешко филе
- 1 лажица пченкарен скроб
- 3 лажици соја сос
- 1 лажица оризов оцет (може и обичен)
- 3 чешниња лук
- власец (или младо кромитче)
- масло
- сол
- бибер
Подготовка:
Во сад измешајте го скробот, соја сосот, оризовиот оцет, сечканиот лук, па посолете и побиберете. Мешајте да нема грутчиња.
Белото месо пресечете го на половина, а потоа излупајте го со чекан за месо. Ставете го месото во сад и нежно втријте ја маринадата во него, па покријте го. Оставете да се маринира околу 15 минути.
Потоа извадете го месото и пржете во тава со малку масло околу 4-5 минути. Послужете украсувајќи го со сечкан власец, или младо кромитче.
