Претставници на англискиот клуб оствариле контакт со „Нераѕурите“ нудејќи им размена за во летниот трансфер период.
Се работи за 29-годишниот италијански репрезентативец Жоржињо, познат како мајстор за пенали, кој беше еден од најдобрите играчи на „Сините“, но добил зелено светло од Томас Тухел за ваква размена.
Челси за возврат го сака Данецот Кристијан Ериксен кој за два дена ќе полни 29 години, но игра поофанзивно од италијанскиот Бразилец.
Проблем може да претстваува тоа што, иако идејата за размена е на Челси, лондонскиот клуб му навестил на Интер дека ќе треба да доплати 15 до 20 милиони евра бидејќи според нив моменталната вредност на Жоржињо е отприлика толку поголема од онаа на Ериксен.
Жоржино дојде во Челси летото 2018 година од редовите на Наполи за 57 милиони евра, а според Transfermarkt денес вреди точно 50. Ериксен во Интер дојде пред точно една година од Тотенхем за 27 милиони евра, а според истиот медиум сега вреди 35 милиони евра.
Во Интер сметаат дека за ваква размена не треба да доплатат ништо бидејќи двајцата играчи се на исто рамниште.
Томас Тухел и Антонио Конте, како што пренесува Calciomercato, се за ваква размена, па останува на двете управи да ги испеглаат деталите за да би се реализирала размената на лето.
