Словенечкиот центар брилјираше во победата на Далас над Сан Антонио прославувајќи трипл-дабл во големата победа на својот тим.
По кратката пауза поради Ол-Стар натпреварот ноќеска продолжи сезоната во најквалитетната светска кошаркарска лига. Вниманието во ова прво коло по паузата го привлече дуелот на двата тима од сојузната држава Тексаса, Далас Маверикс и Сан Антонио Спарс.
Иако на полувреме Спарс заминаа со водство добивајќи ги првите две четвртини со 27:32 и 25:27, предводени од расположениот Дончиќ, кој имаше незабележителен настап на Ол-Стар, тимот на Маверикс одигра одлична завршница победувајќи со 35:27 и 28:18 по третата и четвртата четвртина. На крајот триумфот гласеше 115:104.
Најефикасен на натпреварот беше ДеМар ДеРозан од редовите на гостите со 30 поени, 11 асистенции и, интересно, без ниту еден скок. Латвиецот Кристапс Порзињѓис забележа дабл-дабл со 28 поени и 14 асистенции, а неговиот соиграч Дончиќ прослави трипл-дабл со 22 поена, 12 скокови и исто толку асистенции.
За Далас ова беше четврти триумф во низа со кој сега има скор од 19-16 и е осми на Западот, веднаш зад Сан Антонио кој со 18-15 е седми.
Ноќеска се одигра и уште еден натпревар во кој Мемфис Гризлис го совлада Вашингтон Визардс со 127:112.
