Продолжува изградбата на данскиот дел од гасоводот Baltic Pipe кој ќе ја поврзува Полска со норвешките гасни полиња.
Ова се случи откако руската интервенција во Украина предизвика загриженост поради недоволното снабдување и ги стави заштитените глувци и лилјаци во втор план, поради кои изградбата беше прекината на девет месеци.
Се очекува гасоводот делумно да биде оперативен од 1 октомври годинава и да работи со полн капацитет до 10 милијарди кубни метри од првиот ден на 2023 година. Прекинот на работите веќе го одложи почетокот на работите за три месеци.
Изградбата на гасоводот беше прекината откако данскиот Апелационен одбор ја укина дозволата поради загриженост за влијанието на гасоводот врз заштитените видови глувци и лилјаци. Сепак, руската интервенција во Украина ја зголеми загриженоста дека испораката на руски гас во Европа може да се намали, нагласувајќи ја потребата од диверзификација на испораките.
Полска не планира да го обнови договорот со Газпром
Руски Газпром испорачува половина од 20 милијарди кубни метри гас во Полска, но долгорочниот договор истекува кон крајот на оваа година и Варшава не планира да го обнови.
Полска има намера да ги замени тие залихи со пратки преку Baltic Pipe, пишува Ал Џезира.
Дополнително, на 1 мај се очекува да биде отворен гасовод што ја поврзува Полска со терминалот за течен природен гас (LNG) во Литванија, наречен GIPL. GIPL ќе ѝ овозможи на Полска да го зголеми увозот на LNG и да испорачува гас во балтичките земји.
